ومضات

زيارة سريعة

كتبه الوردة الزرقاء at 9:18 م

أكيد مش فاكرني أنا وردة كنت بكتب منذ أشهر علي ومضات القديمة فكرنها ومضات القديمة الي كانت ألوانها موف أما حاليا فومضات تغير كل ما فيها ما عدا أصحابها فالان أصبحت برتقالي في برتقالي أما أنا لسا الوردة الزرقاء علياء و لسا برده أخي هوصديقي في المدونة احمد الجعلي أو زى ما يلقب بجعلاوي و أخيرا أول موضوع ليا ينزل في ومضات الجديدة .

#الف مبروك لأحمد علي المدونة الجديدة .

زيارة سريعة

يوم الثلاثاء الماضي سافرنا إلي بورسعيد لان هناك قريب لنا عزمنا علي كتب كتاب ابنه
فكان كتب الكتاب الساعة 11مساء فبعد استعدادنا نزلنا من المنزل الساعة 9 تقريبا وكان احمد السائق وما إن تحركت السيارة إذا بيا استسلمت للنوم واستيقظت ونحن علي أبواب الاسماعليه ونمت ثانية واستيقظت قبل بورسعيد بقليل و ما إن وصلنا إذا بنا ندخل عالم تاني مش ممكن يكون خالص المكان ده في مصر دا ممكن يكون في بلد أخري مش في مصر شوارعها نظيفة مليئة بإشارات المرور و لأول مره أشوف الاشاره الرقمية وكانت بجد منظمة جدا في شوارعها و بس بصراحة كان يزوقها شرطي المرور و هو واقف بينظم في بلده
وبجد لما تشوفوا المنظر ده تحس بالأمل الي عمرنا ما حسنا بيه هنا في القاهرة وما إن ذهبنا وباركنا للعريس و أسرته وإذا بنا نعود للوطن مرة أخري ولكن بجد ربنا يبارك في الأرض ده ويبارك لأهلها ويعمرها وتكون دواء لكل إخوتها
يا رب يا رب يا رب ارزقنا بأرض جميلة زى الأرض ده
يا رب يا رب
أمين أمين أمين أمين أمين أمين

هذا الموضوع يندرج تحت الوردة الزرقاء

5 التعليقات:

1. غير معرف يقول... 22 يوليو 2008 في 1:39:00 ص غرينتش+3

   انا اسفه جدا
   
   
   
   ندى

2. غير معرف يقول... 22 يوليو 2008 في 1:45:00 ص غرينتش+3

   انا مكنتش اعرف ان التعليق هينتشر وكنت بهذر معاكى

3. غير معرف يقول... 22 يوليو 2008 في 7:06:00 ص غرينتش+3

   ما شاء الله .. وهبك الله نعم كثيرة يا علياء فعليكى باستثمارها انتى وصديقتك ندى الورد الحمراء
   
   جزاكى الله خيرا على هذة التدوينة وعلى هذا الامل الذى بعثتيه الينا من جديد
   
   استمرى .. دمتى بخير :)

4. محمد محيي الدين يقول... 22 يوليو 2008 في 7:21:00 م غرينتش+3

   لإعلا بورسعيد جميلة جدا علي فكرة وتحس ان فعلا والله حركة المرور فيها فيثها انسيابية بشكل غير طبيعي انا ركبت تاكسي هناك في ثواني وصلني وبمنتهي السرعة ومفيش اي مشاكل في الطريق
   ده غير مش عارف ده احساس نفسي ولا ايه
   تحس ان المدينة منورة كده او مضيئة
   
   جزاكم الله خيرا
   وعقبال لاقاهرة بتاعتنا دي :D

5. غير معرف يقول... 22 أغسطس 2008 في 4:32:00 م غرينتش+3

   ايه يا وردتنا الزرقاء فينك

إرسال تعليق