1- مشاهد من حياة مناضل متطور مقطوعة شعرية ظريفة ومعبرة
2- الدكتور احمد عبد العاطى يبدأ فى تسجيل ذكراته مع العمل الطلابى تابعوها والحلقة الأولى ذكرياتي مع العمل الطلابي 1
3- د.جمال نصار "المستشار الإعلامى بمكتب الإرشاد" يدخل على خط التدوين بمدونته الحوار الهاديء
4- والآن أترككم مع الحدث المرتقب
جريمة شاهنشنى وما خفى كان أعظم
يعز على أن أصدم مشاعركم وأجرح نواظركم، بهذه الجريمة الشنعاء التى فعلها شاهنشى والتى سنوردها بعد قليل مصحوبة بالصور.
وليت الأمر كان يتوقف عند ارتكاب هذه الجريمة، بل الأكبر من الجريمة أن شاهنشى كان يعتبر تحقيق هذه الجريمة هو أحد أحلامه وأهدافه المرحلية فى الحياة، والأكبر والأكبر أننى التقيته البارحة فبدلا من أن يحاول ارجاعى عن قرارى بنشر الجريمة، طلب منى بفضول أن ا أنشرها على صفحات المدونة.
والآن أيها السادة مطلوب من رقاق القلوب ومرهفى الحس والمشاعر أن يغادروا المدونة قبل الافصاح أن حقيقة الجريمة ونشر الصور الخاصة بها
كذا مطلوب من السادة المتابعين أن يستخدموا العدسة التالية ليتسطيعوا أن يشاهدوا الجريمة التى ستبدوا صغيرة جدا جدا جدا فى الحجم ويصعب رؤيتها بالعين المجردة
والآن هذه فرصتكم الأخيرة للتراجع إن كنتم من مرهفى الحس والمشاعر
صورة جريمة شاهنشى بالأسفل
الصورة بعد تكبيرها تريليون مرة
أعلم أن الصدمة الآن تمنعكم من الكلام، وأن الجريمة فاقت أبشع تخيلاتكم، ولكنها من أسف هى الحقيقة التى كنت أحاول جاهدا إخفاءها ولكن دون جدوى وأصبحت شوارع الجيزة شاهدة عليها.
نعم فلقد أقدم المدعو شاهنشى دون ذرة من رحمة على شراء هذه الخنفساء المدعوة "فلوكس"، والأعجب كما اخبرتكم سابقا أنه أخبرنى أن شراء هذه الخنفساء كان حلما من احلامه وبالتأكيد هو سعيد لتحقيق هذا الحلم.
حقيقة لا أستطيع أنا شخصيا أن اكتم مشاعرى تجاه هذه الجريمة النكراء التى فعلها شاهنشى، وما إن أراها حتى يتملكنى الضحك ولا أستطيع التوقف عن الضحك خاصة وإن كان المدعو شاهنشى جالسا بها على عجلة القيادة.
وإليكم سريعا بعض مواصفات هذه الخنفساء:
1- هى على الأكثر تصلح لراكب ونصف من الوزن الخفيف
العجيب أننا كنا فى مشوار فى هضبة الهرم وعدنا من هناك نركبها وكنا 6 أشخاص!!!!! وهذه من معجزات الله فلا تعجب إنها قدرة الله
2- ليس بها "تابلوه" امامى فأنت حين تكون جالسا بداخلها تكون ملاصقا تماما للزجاج الأمامى حتى يكاد يداعب أنفك فى على طول الرحلة
3- إذا كانت أُُمّك غاضبة عليك فسارع بطلب عفوها قبل أن تدعوا عليك فيكون مصيرك ان تجلس بالكرسى الخلفى لهذه السيارة، فخروجك من هذا الشيئ المسمى "مقعدا خلفيا" تشبه بالضبط خلع الأسنان من قبل طبيب الأسنان.
4- إذا أردت أن تصف هذه السيارة بكلمة واحدة فأبشرك أنك لن تعجز، والمدهش انك ستجد هذا الوصف لن يختلف معك فيه الآخرون، فوصفها فى جملة واحدة هو "السيارة فلوكس .. تانك بنزين نجلس فيه"
5- يدعى شاهنشى أن هذه السيارة صناعة هتلر، وحقيقة بعد ان ركبتها علمت السر الذى اتعب المحللين والمؤرخين والتاريخيين وهو لماذا هزم هتلر وسقطت النازية.
ما سبق هو غيض من فيض حول هذا الشيئ الذى اشتراه شاهين، واعذرونى إن قصرت كلماتى عن نقل الحقيقة كاملة، ولكن الموضوع جد خطير ولن تدركوه إلا إذا عايشتموه بأنفسكم.
على أى حال اترككم مع باقى الصور
حفرية للسيارة من عصر الديناصورات والعلماء يحاولوا اكتشافها
صورة من وكالة الأنباء الفرنسية عام 719 قبل الميلاد
انا عارف إن ده علم إيطاليا والمكسيك بس يعنى موضوع الهند هو الحاجة الوحيدة الغلط اللى مضايقاك فى المقال!! حاجة غريبة صحيح
والآن مع مسابقة المدونة الأولى:
أوجد الفروق الخمسة بين الصورتين التاليتين
أخيرا نداء لأصحاب القلوب الرحيمة:
أخيرا أيها السادة الزوار أكرر أسفى على جرح مشاعركم، وللعلم نقبل التبرعات للباشمهندس شاهنشى على تعليقات المدونة لنساعده فى جمع مبلغ من المال لوضعه على ثمن "الفلوكس" بعد بيعها وشراء "موتوسيكل له"، وهنيالك يا فاعل الخير والثواب.
20 التعليقات:
:)
وما خفي كان أرحم
قرأت الادعاء .. وجاري التحضير للرد .. انتظرني ايها الجعلي
مبروك لشاهنشي السيارة بغض النظر عن الماركة والموديل وهي بداية لانطلاقة نحو التغيير
وأقول له كل العظماء بدأوا كده
أماا حبيبي الجعلي
فسعيد بخفة ظلك وأستاذنك في اقتباس فقرة قبل أن نبدأ عندي باسم مختلف
ولن أبدأ إلا بعد أن توافق
وأدام الله أخوتكما
:d:d
بحاول امنع نفسي من الضحك بالعافية لأن اخواتي نايمين جمبي
اضحك الله سنك يا اخي :d
اسلوب مميز بجد:)
بس انا فعلاً بحب العربية دي اوى
بحسها بتحب اللي جواها و بتحتضنهم :d
مش زي اي عربية تانية بتبقى جافة تجاه اللي بيركبوا فيها
:d
الف مبروك على العربية :)
مبروووووك ماجالك يا شاهنشي
تتربي في عزك ان شاء الله
اهي بكري تكبر يا جعلي وتبقي عروسة قصدي بي ام
بس واضح ان الولادة كانت متعثرة جدا ده من كلام الجعلي
انا طبعا بهدي النفوس يا شاهنشي
بس انا لو كنت مكانك مكنتش هاسكت خالص خالص
كنت هادافع عن المولودة الجديده قصدي عن العربية الجديدة حتي اخر قطره من دمي
انا كنت اسمع عن اخ بيدعي وبيقول اللهم ارزقني فولفو(ساعتها كانت الفولفو حاجه محترمه جدا) وفعلا ربنا رزقه بفولفو احدث موديل
لكن عمري ماسمعت ان حد بيتمني الخنفسة دي
يا اخي اذا سألتم الله الجنة فأسألوه الفردوس
اللهم ارزقنا الفردوس
اللهم ارزقنا الفردوس
اللهم ارزقنا الفردوس
ان شاء الله ربنا يرزقنا ويرزقك بحتة جاكوار
وعالعموم يا سيدي الف مبروك والمره دي بجد
والمره الجاية لما اشوفك لازم اركب فيها
امممممممممم بس بلاش تركبني في المكان اللي ورا اللي بيقول علية الجعلي ده
اللزقة في الازاز احسن بردة
الف مبروك ياشاهنشى وربنا يباركلك فيها وتكبر وتبقى BMWأماالجعلى فربنا يهديه ويبطل الحركات بتعته دى وأدعوك ياشاهين الى التدوين عن البلونيز وربنا يستر
إسلام أبو الفتوح
السلام عليكم
جعلى ان اول مرة اعلق عندك
بس ما شاء الله عليك .. انت فقرى جدا اول مرة اعرف كده
وصفت العربية وصف جامد
و مبروك يا شاهنشى على التوك توك ده و عقبال ما تجيب عربية اكبر شويا
.............................
خلاص بلاش تهريج ::
بجدبجد
خطوة كويسة و انا مأيدك فى شرائك للعربية دى ما دمت انت مقتنع بيها فا مش مهم اى حاجة تانية بغض النظر عن الشكل و النوع و الحجم
اجمل حاجة فى الحياة ان الانسان يحقق حلمه . شعور جميل اوى اوى
مبروك يا شاهين
اييييه دنيا فانية
كلنا لها كلنا لها
( للخنفسة يعنى )
الف مبروك يا باشا .. وعقبال البلونيز زى الجعلى كده
وانت مش عاجباك الفلوكس يا جعلى .. يا عم انا موافق عليها .. اى كاوتش منها احسن منها
:D
سؤال بس محيرني
هى لسه الحاجات ديه بتتباع ؟؟
بعد القراءة أدركت كم هي كانت تلك اللحظات صعبة على حضراتكم و أنتم تشاهدون بأنفسكم هذه الجريمة الشنعاء
يا لها فعلا من قسوة قلب
بس تأكدوا القوي له اللي أقوى منه
بعيدا بأه عن اي كلام من اللي فات ده .. ربنا يبارك له فيها و يرزقه رزقا طيبا حلالا واسعا مبارك فيه .. و احنا كلنا معاه .. يا رب
ايه يا جعلي إللي بتعمله في صاحبك ده
على فكرة انت صديق مش كويس
شفته عمل حاجة غلط انصحه واستر عليه
من ستر مسلما ستره الله
مش الفضايح دي كلها
أنا أول ماعرفت الخبر ده من فترة
افتكرت موقف حصل السنة اللي فاتت
كنت واقف على شارع فيصل
عند البورصة في الطالبية مع شاهينشي
عدت عربية خنفسا
فقام أحمد بتغيير الموضوع مباشرة
وبدأ يتكلم عن مزاياها الكثيرة والمختلفة
ساعتها اعتقدت أنه قرأ عنها أو سمع اينشتاين مرة بيشكر فيها
وقالي انا هجيبها
الكلام ده من سنة تقريبا
كملنا كلامنا ولم اهتم
كنت فاكره بيهزر
بس فعلا لو كنت اعرف ان بيتكلم جد
والله ماكنتش عديت الموضوع
واخيرا
مبروووك على العربية ياشاهينشي
وربنا يرزقك خيرها ويبعد عنك شرها
وياريت تكلمنا عنها شوية وعن مزاياها عشان مش هنشتريها ولكن نلاقي كلام ندافع عنك بيه
سلام ياجميل
هههه
الحمد لله على السراء و الضراء ( الفولكس )
كان ليا الشرف انى اول واحد اركبها
و لما ركبناها كان شاهنشى مستغرب جدا
بيقولى هى العربية من جوا ليه رحيتها بنزين :) ( نظرية غريبة جدا )
بعدها على طول حصلت الكارثة الكبرى
تعبت جدا ... و لما فكرت فى السبب
افتكرت انى اخر حاجة عملتها قبلها انى
ركبت العربية
مش عارف بقى الواحد لما يركبها يروح
ياخد حاجة من الصيدلية افدنى يا دكتور
هههههههههههههه
:loooool:
ياأخي هو أحسن من ما مفيش و الخناق مع سواق الميكروباص على الباقي ارجو أن تشرفني بزيارة مدونتي
يااااااااااه
لا بجد حرام عليك يا شاهنشي اللي بتعمله في نفسك ده
بس انا اعتقد ان اخونا شاهنشي ليه رؤية جامدة في الموضوع ده
اكيد هو شايف زحمة المواصلات ومفيش اماكن للركن فاكيد اكيد بيعمل كده على يخفف من الزحمة الموجودة في الشوارع
.........
بس خير الف مبروك وعقبال ما تشوفها كده عربية باسات قد الدنيا:d
حبيبي احمد مدونتك لذيذه انا ايمن ابوزيد
وادعوك لزيارة مدونتي
http://ino-this.blogspot.com/
:)
أضحك الله سنكما
طب والله جريمه حلوه
ولو ان الواحد لما بيشوف العربيه دي
بي.........
لكن
ألف مبروك
رغم كيد الكائدين
ولكما كل الود
شكرا للجميع على المرور والتهنئة لشاهنشى على سيارته الجديدة
عصفور المدينة
------------
آآه لو تعلم ما خفى، لكان فعلا أرحم وأرحم (:
شاهنشى
------
من أين لك يا ايها الشاهنشى بالرد؟!!
د.أحمد عبد العاطى
----------------
سعداء لمروركم دكتورنا الكريم وبالطبع "قبل ان نبدأ" و "ومضات" وصاحب ومضات كلهم تحت امركم
ويارب فعلا عن قريب نشوف شاهنشى واحد من العظماء وهو اهل لذلك غن شاء الله
المجاهدة
------
مرحبا بكم اختنا الكريمة، وموضوع إن العربية بتحضن اللى جواها ده هاحاول أستشعره وأنا راكب فيها المرة القادمة بس بشرط لا أجلس فى الشيئ المسمى كرسى خلفى.
وبعدين برضه ما القبر بيضمه اللى جواه!! (:
وائل
----
فعلا يا شيخ عندك حق المفروض الواحد يسأل الفردوس الأعلى، إنما نعمل إيه بس
وبعدين ما تحاولش تهدى الامور يا سيد وائل بينى وبين شاهنشى وإلا ساستعيد من الذاكرة حروبى القديمة مع تجارة
ا. إسلام
-------
منور يا استاذنا، وبعدين خلى بالك انت ابتديت تحيد عن الحيادية وبدأت تميل لطرف شاهنشى فى الصراع وده مش كويس علشانه
وبعدين انا أحذر أى أحد يقترب من البلونيز او يجيب سيرتها، دا حتى الست "[لونيز" مشكورة عملت معانا مغامرة رهيبة فى السفرية الاخيرة هاحكيها لكم بعدين او اخلى الورردة الزرقاء تقوم بالمهمة دى
أحمد سنوسى
---------
يا مراحب يا مرااااحب فينك يا راجل من زمان، سعداء بمرورك وتشريفك ومبروك على المدونة.
وفعلا أحلى حاجة إن الإنسان يحقق حلمه
الجارحى
------
ازيك يا جنرال، وبعدين ياعم كواتش منها ايه بس؟؟؟ انت كانت تطلعاتك قبل كده اكبر من كده بكتير ايه الل حصل لك يا جنرال؟؟!!!
لا فوق الله يخليك احنا عايزينك (:
سلوى
----
صراحة ليس عندى اجابة على سؤالكم عما إذا كانت مثل هذه الأشياء لا زالت تباع.
وأظن والله أعلم أن شاهين لم يشتريها وإنما لقاها مرمية على جنب فأخذها ونضفها وقبلها وبعدين ركبها.. مش عايز أفتى برضه والله أعلم
نور جديد
-------
فعلا كانت لحظة صعيبة جدا بس الحمد لله الذى لا يحمد على مكروه سواه.
ونؤمن معكم ربنا يبارك له فيها ويعطيه خيرها وخير ما صنعت له ويكفيه شرها وشر ما صنعت له
سباعى
-----
سبعاوى بتاع النت كيف حالك وفينك من زمان، يعنى تعلق عندى وبعدها بكام يوم أقابلك وتعزمنى على سنوتش فول كمان
ياااه دا الدنيا صغيرة صحيح
وانا متفق معاك تماما ان اينشتاين هوا السبب فى اللى بيحصل لشاهين ده، ولازم نقطع كل صورة اينشتاين اللى عند شاهين وخاصة الصورة اللى مطلع فيها لسانه لأن كل ده بيأثر على شاهنشى واحنا لازم ننقذه
سياف
----
ازيك يا سيف ولعل الصحة دلوقتى تمام، وكويس انك نبهتنا جميعا بس غالبا اللى حصل لك ده هوا لعنة الفلوكس، ودى بتحصل لاول واحد بيركب الفلوكس زى لعنة الفراعنة اللى بتصيب اول واحد يفتح المقبرة. شد حيلك فى الامتحانات
my وبعديها نمرة تليفون
---------------------
مرحبا بك زائرى الكريم بس نفسى اعرف تفسير اسمك الغريب ده
my 244434
نورتنا ونتمنى ان يكون الموضوع فعلا اسعدكم واضحككم
مخى تاعبنى
---------
يعنى هاحاول انظر للمور بايجابية زيك واقول ان الخنفساء احسن من الميكروباص
(:
وكان بودنا زيارة مدونتكم ولكن للاسف لم تضع رابطا لها
محمد عباس
--------
يارب فعلا شاهين يلاقيها بكره باسات
ويجنبها شر الاتوبيسات
ويرزقها أنوار وكلاكسات
ايمو
---
منور يا هندسة ومبروك المدونة
دكتور حر
--------
ها خلصت ولا لسه امتحانات؟؟
يارب تكون وفقت ان شاء الله واجازة سعيدة قبل الامتياز وحكاويه
الدكتور احمد السلام عليكم ورحمه الله وبركاته
عامل ايه انت والله واحشني اوي بقالينا كتير لم نتقابل بس اعلم اني احبك في الله
ثانيا الف مبروك لشاهين على السياره الجديده وان شاء الله تكبر بعد شويه بس هي خطوه كويسه
وعلى فكره ده صح في البدايه من وجهه نظري علشان بقى الخبطاط وما شاكل ذلك
فمن سعاده المؤمن في الدنيا المَرِْكب والزوجه الصالحه فكما رزقه الله المَرْكب فربنا ييسر له الزوجه الصالحه
الف الف مبروك
ولا تنسونا من الدعاء
فعلا يا دكتور أحمد انا بعاني من مشكلة فنية كل مرة اجي أعمل postجديد يوقللي الpassword غلط و اغيرها و تتكرر العملية دي تاني عشان كده لما جيت أعلق قاللي account مش موجود أرجو المساعدة