لقد انتشر الغش انتشارا كبيرا، و رغم ان رسولنا الحبيب نها عنها في حديثه "من غشنا فليس منا "، و سوف يتبرا الرسول من الذي يغش ، و لقد انتشرت مظاهر عديدة للغش في شتي المجلات :
1) في البيع .
2) في الامتحانات .
3) في الانتخابات .
4) في المجتمع .
و من لا شك اننا سنجد الناس يمارسون صورا من الغش المتنوعة .
و رغم ان الرويات انذرت فقال الكفوي :
"الغش سواد القلب، وعبوس الوجه، ولذا يطلق الغش على الغل والحقد".
وصدق من قال :
ولا ترجع الأنفس عن غيِّها *** ما لم يكن منها لها زاجر.
وقال المناوي :
"الغش ما يخلط من الرديء بالجيد".
ومازال الغش ينتشر ،حتي في وجود الدلائل علي ان الرسول صلي الله عليه وسلم سوف يتبرا من ال1ي يغش و لقد قال له ان "من غشنا فليس منا " اذا فهو زاجرا عن الغش .
و من الاسباب التي تساعد علي الغش :
1) نقص الايمان .
2) ضعف التربية.
3) وغيرهم ز
إن ظاهرة الغش قد تسربت حتى عند بعض المدرسين و المراقبين .
و اصبحت شيئا عاديا، فالبائع يخدع الناس بالكلام ،ويضع الفاكهة الناضجة فوق القفص و الفاكهة الفاسدة تحت حتي يشتري المشتري القفص بدون علم بان الفاكهة غير جيدة .
وفي المدارس التي تعلم الطلاب فهي ليست تعلمهم سوا الغش و الرد علي المدرسين فلم يعد نظام لهذه المدارس .
و الاهل يهملون ابنائهم و لم تعد الاسرة لها اهمية و اصبح الطلاب محافظون و وزراء و كل هذا بالغش فلهذا يتاخر مجتمعنا لا ان يتقدم و اصبح الغش اساس المجتمع .
12 التعليقات:
موضوعك جميل يا علياء
معاكي حق الدنيا كلها حوالينا بقت غش في غش
ودورنا احنا كمجتمع ملتزم أن نحارب هذه العادة السيئة
حتى الحكومة بتغش الشعب في كل تصريحاتها
وأسبابك صحيحة مائة في المائة
الله عليكي ياعلياء
وانا شايف أن في سببين مهمين
أولا غياب الرقابة الداخلية وهي زي ماأنت قلتي غياب الوازع الديني
ثانيا غياب الرقابة الخارجيةوهي دور الحكومة واحنا بقى حكوتنا أستاذة في الغش
علشان كده أحنا علينا دورين مهمين تربية الناس وأصلاح الحكومة
من هانى مصطفى ( أبو دم تقيل ) طبعا أنا مختلف تماما مع أختنا الوردة علياء لأن الغش له فوائد عديدة إذا أهملناها نكون قد تحيزنا لوجهة نظر واحدة ومن هذه الفوائد مثلا.................1- تنمية المهارات السمعية والبصرية للغشاش.....................2- تنمية مهارة الغمز والاشارات .............3 تنمية مهارات الاتصال الفعال........ 4- الاستخدام البارع للتكنولوجيا الحديثة موبايلات وهاند فرى وخلافه ................5 نمو روح الفريق والتعاون من أجل الوصول للاجابة النموذجية ................6- كسر حالة التوتر والقلق لدى الطلاب لاطمنانهم على المساعدة الفورية ............7- الونس والألفة كأننا قاعدين فى بيتنا ومن الآخر سيبونا نسترزق حرام عليكو هتخربوا بيتنا الله يسامحكو
الغش هو اللجوء الي طريق غير شرعي لتحقيق اهداف عجزت عن تحقيقها بشكل شرعي
التدوينة رائعه يا عليا نظره تحليلة سليمة
الغش حالياً هو أساس حاجات كثيرة ... حتي أصبح عدم الغش هو الشئ الطبيعي في الحياة ... وعد الغش دا مجرد أوبشن
تحياتي بشدة لهذا الموضوع الرائع ... بغض النظر عن تلك الإستشهادات :)
التي يبدوا بعد ما قرأتها أني من أصحاب االشهادات التحت متوسطة .. أو حاجة زي كدا :)
سبحان الله كنت فاكر احمد الى كاتب الموضوع حتى قرأت اخر جملة
ربنا يوفقك و اتوقعلك مستقبل باهر بإذن الله
السلام عليكم يا علياء ما شاء الله موضوع فى الصميم ايام الامتحانات
ساعات بستغرب من اللى بيغشوا دول اما بلاقيهم جايبن درجات عالية
بسال نفسى ياترى هما فرحانين على اية؟؟
اذا كانت الدرجات دى مش من حقهم اصلا ولا من مجهودهم يبقوا بيفرحوا على اية؟؟
ده غير طبعا الكوسة اللى بتحصل فى الكليات اما ولاد الدكاترة وقرايبهم يجيبوا النمر النهائية فى الشفوى والعملى والنظرى
ساعتها بتقهر
ربنا ما يوريكى يا بنتى وتدخلى كلية محترمة مافيهاش الحاجات دى
اعتقد مش هاتلاقى
ربنا يوفقك
واستمرى فى الابداع
أختناالكريمة..الوردة الزرقاء..أنا كنت بحضر تدوينة عن الغش بس عن غش الافكار...ازاي ان الافكار حولنا واحيانا داخل عقولنا اصبحت مزيفة ومغشوشة وظاهرها غير باطنها .. بس حضرتك سبقت بقى..اردت ان اسجل اعجابي بالتدوينة ..ونحن منتظرين مزيدا من الابداع
عارفه يا علياء بعد اخر بوست ليكي كنت بفكر ان لو نميتي الموهبة اللي عندك ان شاء الله هتحققي شئ اسم متميز جداً
بس في نفس الوقت الوقت تمنيت ان يكون ليكي فكر ايدولجي مجالف لفكر احمد او علي الاقل نفس الفكر بدون ما تحطي نفسك في مكان يقيدك فكريا ويخنقك
يعني من الاخر استمري وخليكي علي طول حرة رافضة لاي قيود
يا نهار أبيض !!
علياء تحط موضوع يجيلها 9 تعليقات وأنا أقعد اهاتى وفى الىخر يطلع لى تعليق ولا اتنين!!
شكلك مش هتطولى معايا يا علياء فى المدونة وقريب هاشحط منك مكان اكتب فيه معاكى
(:
موضوع جميل يا علياء وجميل انك تعملى بحث على النت وتنمى الموضوع بتاعك بأشعار ومقولات زى اللى انت جايباها
وياريت تحاولى تكتبى لنا عن مواقف شخصية مرريتى انت بيها مش بس تعملى لنا مواضيع نظرية، يعنى مثلا بما انك طالبة فى سنة سادسة ابتدائى .. أقصد كنت ورايحة ان شاء الله اولى اعداداى فأكيد مرييتى بمواقف فيها غش احكى لنا عنها من واقع تجربتك انت.
---
سريعا للى كتبوا فوق
سبعاوى... منور
قطب .. ايه اللى جابك هنا!! واول تعليق تحطه يكون على موضوع لعلياء مش ليا!! ويحك يا قطب وادامنا سنة... ولا بلاش
ابو دم تقيل .. ده وقت فلسفة حرام عليك البنت
محمد .. يا نهار ابيض ايه ايدولوجى والكلام الكبير ده!! وبعدين بتدعو البنت للتمرد وان لا تعيش فى جلباب أخيها ويحك يا محمد
خطاب... زعلتنى يا خطاب بقى انا مستوايا كده برضه!! أنا أقل من كتابات علياء بكتير
شرقاوو .. ما تعقدش نفسك ممكن تكمل دراسات عليا وأكيد هتفهم علياء بتكتب وبتستشهد بايه
شذى .. يمكن عما علياء توصل للجامعة تكون الدنيا اتغيرت او الكليات والجامعة اتلغت ايهما أقرب
شاهنشى .. فين اختنا الكريمة دى!! آآآه قصدك علياء معلش العتب على النظر يا شاهنشى، أصل أول ما شفت اختنا الكريمة قلت أكيد هوا بيكتب حاجة للدكتورة جيهان الحلفاوى مثلا وغلط فى العنوان
فى انتظار المزيد يا عليء ربنا يوفقك
اعتقد ان الحل هو ان نبدأ بتوعية أوساكنا
فلو كل انسان بدأ بمن حوله
بعد مدة معينة سنجد ان المجتمع يسير في طريق الاعتدال
مقال جميل
ربنا يبارك فيكي و يحفظك
و يدخلك الجنة
آمين
موضوع جميل جدا ...
طبعا كما نعرف ان الغش ظاهرة منتشرة بين الناس لعلهم يظنونها هي الطريقة للوصول الى النجاح وتحقيق طموحاتهم ..وبالرغم من ان الرسول صلى الله عليه وسلم نهي عنها في الكثير من الاحاديث لكن للاسف ... الناس لا تتعظ ..
فارجو من الله تعالى ان يوفقنا جميعا في تحقيق ما تصبو به انفسنا في اسلوب نظيف متجنبين ما هو يدمر طريقنا ( الغش) ...