قبل أن نبدا:
1- معلش قلنا هنكتب بسرعة اليومين دول علشان فى حبة حاجات متلاحقة عايزة تتكتب قبل ما يفوت وقتها
2- متابعة لموضوع فلسطين يمكنكم الاطلاع على الروابط التالية
أسامة حمدان: لا مفر أمام فتح من الحوار معنا
أيضا هذا الموقع القدس اون لاين
اخيرا لمن أراد يمكنه قراءة التدوينة السابقة بعنوان فى فلسطين ... ليس من سمع كمن راى
نخش بقى فى الموضوع
والله وعملها سبعاوى
فى جو اخوى تجارى بهيج تم عقد قران الأخ الحبيب احمد السباعى يوم الجمعة الماضى على خطيبته – سابقا- مكسرات. وقد قام باحياء كتب الكتاب فريق تجارة لاحياء الأفراح والنشاط الفنى.
وبعد أن أرسل كل التحيات والمباركات لأخى الحبيب احمد وزوجه الكريمة مكسرات، فإنى أرسل بتحية خاصة لرجال تجارة وشغلهم الجامد فى إحياء كتب الكتاب واحتفالهم بسبعاوى.
واجمل حاجة فى الموضوع لما كانوا بيشيلوا ابو السباع ويرموه فى السما فوق قيمة 4 او 5 متر كده –حاجة بسيطة يعنى- كان ابو السباع يحط ايديه على وشه ويغمض عينيه، وتحس كانه بيتشهد على روحه، شكله كده كان قرا تعليق عمرو طموح على تدوينة شاهنشى بتاعة رمى الورق فى الهواء وسقوطه وفق فوضى منظمة، وساعتها علق طموح إن فى فرح شاهينشى هنرميه ونبص يمين ونسيبه يلاقى مصيره المحتوم من الفوضى المنظمة، ويبدو ان السباعى خاف إن شغف التجربة العلمية يدفعنا للتعجيل بتجربتها عليه بدلا من الانتظار حتى نجربها على شاهين خاصة إن ما حدش عارف امتى شاهين هيقدم على هذه الخطوة ويدينا هذا الشرف شرف القائه فى الهواء وفق نظرية فوضوية منظمة.
احمد السباعى .. تعرفته لاول مرة منذ قرابة 3 أعوام، وكانت بداية تعارفنا اليكترونية من خلال ساحات الحوار، ثم تدرج الامر للقاء عابر جمع بيننا فى جوار كلية تجارة العظيمة، وشعرت حينها تجاهه بمشاعر اخوة حقيقية صادقة وانطباع أول دام فعلا وأكدت الأيام صدقه.
أحمد بهدوئه وحبه للآخرين وابتسامته وقلبه الأبيض الذى لا يحمل شيئا لاحد، استطاع بذلك أن يحوز احترام إن لم يكن حب كل من تعامل معه.
جمعتنى به الأيام بعد ذلك فى ميدان العمل لمدة 3 أعوام وقدر الله لى أن أحتك به فى هذه الفترة احتكاكا قويا وجمعتنا أيام جميلة نتمنى ان نجدها عند الله فى ميزان الحسنات، أتذكر كشكوله الصغير الذى كان يدون به، اتذكر عدما كنت ألقاه منفردا لنتناقش ونتابع الاعمال وسيرها، أتذكر زياراته لى فى المنزل وزياراتنا له فى المنزل، أتذكر أحمد بكرمه وبساطته وتلقائيته.
فاكر يا احمد الصورة اللى فوق دى؟؟؟ يوم مش ممكن انساه ولن يمحى من ذاكرتى وعقبال بقية كل اللى كانوا فى الصور لما يتجوزوا ونشوفهم فى بيت العدل وساعتها برضه اختار صور من هذا اليوم لأضعها فى تهنئتى لهم.
اعجز عن ترتيب كلمات أقولها لاحمد فى هذه المناسبة، فعلا قلبى ولسانى يعجز عن التعبير عن فرحتى، طبعا لم اكن ابا من قبل ولكن هناك أفراد تعاملت معهم فى حياتى أعتقد ان شعور فرحتى تجاهم يقارب او يماثل شعور الأب فرحا بأبنائه. نال هذا السبق اخى الحبيب طارق وعقبه سبعاوى وعما قريب ينضم لهم الحبيب يوسف.
مش عارف اكتب ايه تانى عن احمد، ولكن سيبقى لاحمد مكانته إن شاء الله فى قلبى وأتمنى على الأيام أن تجمع بيننا جميعا دوم على خير وطاعة وأن لا تفرق بيننا مهما كثرت الانشغالات وفرقتنا الأحداث.
طبعا انا اول ما هأقول السطرين اللى فوق دول للسباعى هيكون رده الجاهز والعلامة المسجلة "عييييييييييب عليييييييييييييك" فاهمنى يا سبعاوى.
بارك الله لكما وبارك عليكما وجمع بينكما فى خير، واعانكما على أن تبنيان لنا بيتا يكون لبنة فى المجتمع الذى نحلم به ونتمناه، وان يرزقكما الذرية الصالحة ويبارك لكما فى ذريتكم
مبروووووووووووووووووووووووووووووووووووووووووك
16 التعليقات:
عقبالك يا جعلي
اما اشوفك بتتبهدل زيه كدا وبيتلغب بيك
واقف اتفرج عليك
واقولك والله ياسيدي الفاضل انا بيحزني بهدلتك دي انما في نفس الوقت لازم نسيب متسع للناس انها تعبر عن فرحتها بيك حتي وان اختلفنا معاهم في اسلوب التعبير
مبروك ياسباعي..بارك الله لكما وعليكما وجمع بينكما في خير...احمد هو ايه صحيح الصورة اللي فوق دي؟؟؟؟؟؟؟؟
الف مليون مبروك ل أحمد رجب حبيبى وربنا يوفقه ويسعده هو وزجته وعقبال كل الشباب وعقبالك يا دكتور جعلى
الف مبروك يا استاذنا سباعى
بس صحيح .. هى ايه حكاية الصورة دى
لو سباعى مقلش قولنا انت يا جعلونى
وعقبالك يا جعلونى .. على فكرة انا قابلت جعلى فى الفرح .. وقالى انه هيعملها قريب
انا مش عايز انشر يا جعلى الموضوع ده .. لاية ما انت تقول للناس الرد اليقين
تدبيسة حلوة يا جعلى ده .. صح :)
ايه دا
مش عارفين موضوع الصورةوالبلونةواللي كان مكتوب عليها
ياه دا انتم متاخرين اوي
أبو دم تقيل عقبالك يا ريس
يا نهار أبيض يا محمد حتى فى ذالك اليوم هنقعد نكلم بلغة ديبلوماسية وسياسة بيع الهدوم!!! لا يا عم الله الغنى
(:
يا ابن الذين ىمنوا يا ابن توفيق انتم عاملين اتفاقية ولا ايه؟؟ عمرو طموح يقول ان شاهين قال له انه هيتجوز فى الصيف وانت بتتدعى انى قلت لك انى هاعملها قريب
ويحكم يبدو ان هذا ما يسمى فى لغة السياسة الانقلاب الأبيض
بخصوص بقى الصورة اللى بتسألوا عنها، فباختصار احمد باين فى الصورة مبسوط وماسك بلونة يبقى اكيد الصورة كانت فى احتفاليةما
قد تكون عيد ميلاد سبعاوى او عيد ميلادى او عيد ميلاد حاجة تانية
ما تشغلوش بالكم بمناسبة الصورة وخليكم فى العرييييييس
عقبال انجالك اللى احنا لسه فى انتظارهم يا دكتور، اما بالنسبة لى فلا زال الموضوع غير مدرج على أجندة الأعمال فى الوقت الراهن
الف مبروك يا سباعى وعقبالك ياجعلى وعقبالى طبعا
عيد ميلاد حاجة كان عمرها سنة باين ولا كانت دا بعد سنتين ؟؟
ماشاء الله ، ألف مبارك ان شاء الله
بارك الله لهما وبارك عليهما وجمع بينها في خير ..
وعقبال الجميع إن شا ءالله
كان بقالي فترة مش دخلت مدونة حضرتك لكن انا متابعة إن شا ءالله
تحياتي
با رك الله لهما وبارك عليهما وجمع بينهما في خير
فرحة لاتوصف وذكريات لم ولن تنطفىء
بمداد الحب من الغيل (ملوك الإمارات وعمان)
إلى قلعة أفراح آل رجب
بارك الله لكما وبارك عليكما وجمع بينكما في خير
إلى أن أجد طريقة للاتصال بكم
أخوك/ أحمد إيهاب
بارك الله لكما وبارك عليكما وجمع بينكما في خير
يارب متكونش نسيتني
حبيبي الجعلي
جزاك الله خيرا على مشاعرك الجميلة
وردي لك على مدونتي اليوم الاحد
باذن الله
وسلمت لي حبيبي
ياله بقي ياجعلي باشا..
ياعم أنا فضلت قاعد مستنيك عشان تبدأ إنت الأول..
إنت عارف العين متعلاش علحاجب..
بس بما إن سباعي عملها فقت بقي مابدهاش..
مصر كلها مستنياك يارأفت..
وإن شاء الله في عيد ميلاد ابنك الحقيقي (مش الإفتراضي) نبقي نييجي وننفخ بلالين برضة..
وممكن تبقي تعملنا شوية بسله برضة :]