قبل أن نبدأ :
1)- سئل شخص عن سبب اختياري اللون الأزرق فارد عليه بان هذا اللون هو لون : السماء الصافية
(التي ليست متوفرة حاليا) ، وهي لون المياه الصافية(التي ليست متوفرة حاليا) ، وغير ذالك .
2)- و آسفة فالموضوع كبير .
3)- اتأسف علي تأخري ، و سوف اتأخر في الأيام القادمة أيضا فاعذروني لان لدينا أفراح يجب عليا حضورها .
الغش 2
لقد تكلمنا المرة السابقة عن الغش العام أما هذه المرة فسوف أتكلم عن الغش في الامتحانات فلقد مررت بهذه التجربة في الامتحانات ولم أجد من يعرفني الطريق الأصح فلقد كان في الترم الأول كان المراقبين من الخارج لأنني في شهادة فكان المراقبين يدخلون و يقلون لنا الأدعية و عندما يأتي الورق كان المراقبين يقرؤون لنا الامتحان فكنت استمع لهم كما علمنا المدرسين و الأهل أيضا و بدأ المراقبون يقرؤون الأسئلة و من ثم الإجابات و كان بعض التلاميذ يكتبون الإجابات ورائهم و لقد وجدنا أن بعض الإجابات الذي يقولها المراقبين كانت خطا و لكنني لم انتبه فكنت انتظر إلي أن يسكتوا حتى استطيع التركيز و كان هذا الأسلوب متواصل ولم يتجرا احد منا التكلم و بعد ذلك عرف الأهالي و أتممنا هذا الترم بسلام و النجاح، وقد كان لم يسقط احد من الطلاب المهملين وعرف المدرسين والمديرة بهذا و لقد نسيت أعرفكم بشيء( كان في امتحان الدراسات كان أول مرة نري مراقبة تقول السؤال و الإجابة أما الذين سبقوها كانوا يساعدون الطلاب فقط .
فكانت المراقبة في امتحان الدراسات تقول السؤال و الإجابة و هكذا حتى قبل السؤال الخير فقالت بنت :"هنحل إيه؟؟ ما حضرتك خلاص قلتي الاجابات ".
فرضت المراقبة : "حاشا لله أنا غششتكم ".
ضحكنا في أنفسنا ، و رد البعض :لا .)
فهل أتت لها الجراءة لكي تقول حاشا لله أنا غششتكم،وكان هذا في الترم الأول ، وتمنينا أن يكون الترم الثاني أفضل .
وفي الترم الثاني زاد الغش أكثر فأكثر لمجرد أن (المراقب قال : من لا يعرف شيئا يأخذه من زميله وكان ذلك في امتحان الرياضة التي كان الجميع يحبها بسبب المدرس الفاضل ، و بعد ذلك قالت بنت :لو سمحتم لا نريد غش في اللجنة "لا إلا هاقول" لمديرة اللجنة و اتهمت المراقب بأنة غشش بنت فحلف المراقبان بأنهم لم يغشوا احد ، وعندما أتت مديرة اللجنة قال لها المراقب: ها هي مديرة اللجنة قولي لها ما تردين ،فعرفت مديرة اللجنة القصة فاجتمع المراقبين و عرف جميع الناس القصة ، ولم يستطع احد أن يركز و لذالك لم يحصل أي احد على الدرجة النهائية في الرياضة و أصبحت اللجنة أكثر هدوءا و عدم غش بعد ما حصل.)
وأريد رأيكم فيما حدث و أتمني أن لا يقابل احد هذه المشكلة و أن يصبح مجتمعنا أفضل من أي مجتمع .
10 التعليقات:
انا بس عايز اعرف انت عندك كام سنه ممكن تكوني في ابتدائي لكن كلامك يدل علي انك اكبر من ذلك بكثير
ايه ياعم جعلي ده هي عائلتكم هتمسك البلد بعد كده ولا ايه
علي العموم حتي اعرف سنك احب ان اقول اني غير مرتبط
اما بالنسبة للغش فكل منا مر بهذه التجربه ومنا كانت من تواتيه الشجاعه ان يتكلم كما فعلت صاحبتك وكما فعل صديق لي قام وقال للابلة من غشنا فليس منا فخرست تماما ولم ترد وكنا في الابتدائي
ويوجد من يريد ان يحافظ علي تركيزه ويسد اذنه ويحاول ان يجاوب بنفسه
للاسف هذه الممارسات تنطبع في عقول الطلاب فيخرجون طلبه بلا مبادئ او علي الاقل فاقدين الثقه في من حولهم
شكرا ليكي ايتها الورده الزرقاء
وشكرا لاحمد الذي يتبني المواهب
وياورده ادام انتي شاطره كده ما تدوري علي عروسه لاخوكي وجوزيه عايزين نفرح فيه
ياه ده يوم المني وهيكون سماه زرقاء ولون المايه زرقاء بإذن الله
بجد يا جعلي زي مابيقولوا لازم تمسك الخشب
وتخاف علي اختك من الحسد
ربنا يبارك فيها وينفع بيها دايما
اما موضوع الغش ده ياورده
فالموضوع الوقتي تتطور كثيرا
خدي عندك مثلا ان احد المراقبين في لجان الثانويه العامه قال للطلبه اللي عاوز يتصل بالمدرس بتاعه ويعرف الاجابات منه يتصل بسرعه
والطلبه كمان ما شاء الله عليهم بيطورا في اساليب الغش
لدرجة اني سمعت اخر وسيله عند البنات في الغش هي ان تكتب البرشام علي ......مش عاوز ااقول والله احسن حد يعمل كده بس الوسيله دي انا لما سمعتها صعقت ومكنتش مصدق خالص
يلا ربنا يستر علي البلد
الحل في الناس دي ياورده انا احنا منسكتش علي الوضع ده ونحاول نغير من اللي حوالينا
انا على فكره يا ورده معجبه جدا بيكى....
لانى نادرا لما بقابلك حد سنه صغير بس مش عايش فى البلاله و حاسس ان الدنيا وردى وردى و يكون مخه نضيف و بيفهم زيك....
ماشاء الله ربنا يكرمك.......
اما بقى على حكايه الغش دى و انا فى تالته ثانوى خرجت من امتحان التاريخ بدرى عشر قايق, و انا خارجه لقيت المراقب اللى واقف علينا بيقولى معكيش ملزمه تاريخ؟؟؟؟
قلتله نعم؟؟ طبعا عمرى ما كنت اصدق ان فى حد ممكن يسأل سؤال زى ده...
قالى اصل فى واحده عايزه بس ملزمه تاريخ.....
لأ و بيسأل بكل برائه,طبعا ماردتش عليه و مشيت....
و مره تانيه كان فى عندنا مدرس واقف عليا فى امتحان الانجليزى و انا فى خامسه ابتدائى فهو كان امتحان مستوى رفيع فبيبقى محتاج شويه مذاكره عن الانجليزى التانى....
و طبعا ماكنش حد بيذاكر.....
المهم المدرس ده دخل اللجنه و عمل فيها عنتر زمانه و قعد يقول من غشنا فليس منا و الافلام دى كلها....
مافيش عشر دقايق و لقيته جاى يسألنى على اجابه الاسئله عشان فى بنت معايا فى اللجنه و البنت دى كانت بنت مدرسه "انجليزى",المهم قلتله يا مستر من غشنا فليس منا.....
عمل نفسه مكسوف و مشى..
خمس دقايق و لقيته واقف ورايا و بينقل من كراسه اجابتى....
قعدت اضحك عليه و على هبله...
بس انتى يا بنتى ربنا يثبتك على موقفك ده...
وبعد أنتظار طويل
أخيرا كتبت الوردة الزرقاء
أنا شايف إن أحنا مش لازم نسكت
يعني اللي يشوف حاجة غلط
لازم بكل أدب و أحترام يتكلم ويقول لأ
من هالة مصطفى ابو دم تقيل
لا لا يا علياء ..انا زعلانة منك جدا و من كل زمايلك..ازاى تفتنوا على المدرس و تخربوا بيته انت ما تعرفيش ان الفتنة اشد من القتل.
يعنى ده جزات الراجل انه عايز يساعدكوا
..
لأ و شوفى الخبث.. بقى المراقبة تقولوكو(انا غششتكم) تضحكوكو فى نفسكم و تقولولها (لا)..منتهى النفاق
وبعدين مين (المناوى)و(الكفوى)اللى بتستشهدى بكلامهم فى المقال السابق دول؟.رؤساء لجان ولا موظفين كبار فى التربية و التعليم؟.. طبعا ما انت واصلة للكبار عشان كده بتشوطى ومش همك
رجاء اخير:لو سمحتى لما تكتبى تانى ياريت يكون كلامك ابسط من كده..بلاش الكلام الكبير اللى زى(ما لم يكن لها زاجر
ايه (زاجر) دى؟
اعذرينى اصلى كنت غشاشة كبيرة اوى...خصوصا فى العربى
...و الرياضة
....و و العلوم
...والدراسات..
و..
و...
..
من هانى مصطفى (أبو دم تقيل ) ربنا معاكى فى رحلة الأمر بالمعروف والنهى عن المنكر
ربنا يبارك فيكي و يكرمك
:)
كذا مر ادخل اشوف فين البلوجات بتاعتك... بلاش تتأخرى او كده علينا :)
ممم
بالنسبة للغش
للأسف هتشوفى كتير قوى من ده
و هتشوفى اكتر بالذات وقت ثانوية عامة
و كله بدعوى اننا بنساعد الكلبة -_-
كان فيه واحدة في مرة قاعدة جمبي عمالة تغشش الناس كلها و بتحاول تاخد من عندي
و تخلص و تمسك سبحة و تقعد تسبح !!!
و تقعد طول اللجنة عمالة بتناجي ربنا
كان نفسي حد يفهمها ان التغشيش الي هيا بتعمله ده مش "مساعدة" زي ماهيا متخيلة!
من غشنا فليس منا
و هيا كده بتعمل معصية بجد!
جميل فيكي انك شايفه كده و فاهمة من صغرك
ابقى حاولى تاخدى خطوة و تستغلي الفرص الي عندك عشان تنبهي الناس دي
مهما كانوا هما اكبر منك
:)
ربنا يحفظك و يباركلك
:)
علياء اولا احب احيكى وبشدة على اسلوبك وعلى كتاباتك ....
والله يا لولا انتى زى العسل .. وان شاء الله اتوقع لكى مستقبل باهر .. وياريت متتاخريش علينا تانى ...
الى علياء التى طالما غلبتنى فى الحصول على معلومه عن أحمد وممكن القيه فين ورغم انك بتغلبينى فى التليفون علشان اعرف اكلم احمد ولكن هذا لا يعنى ان تدويناتك جميله وتنم عن موهبه
تحياتى اليكى وأتمنى لكى التوفيق ونفسى فى تدوينه عن علاقة أبنائى الجعلى بالتليفون ممكن تكتبيه انتى واحمد
That was a VERY interesting one! Seriously interesting.