ومضات

قبل أن نبدأ

أمتاز –ولله الحمد- بأنى مقصر فى العديد من واجباتى الاجتماعية سواء كانت زيارات أو اتصالات أو .. ، أو .. - "والله يا طارق سيد عارف إنك زعلان منى بس إن شاء الله هأزورك قريب" - ويبدو أن واجباتى الاجتماعية قد أضيف لها الآن واجب جديد وهو التعامل مع السادة المعلقين الكرام وتعليقاتهم، وأول ما بدا لى من التقصير انى بالفعل قد زرت من قبل كثيرا جميع مدونات الضيوف الكرام الذين زاروا المدونة وعلقوا عليها ولكن للأسف لم أعلق إلا فى القليل منها، لذا أرجو من جميع الضيوف والمدونون الكرام أن يعذرنى على تقصيرى الاجتماعى سابقا ولاحقا فى واجباتى تجاههم.

تعليقاتكم .. ربنا يكرمكم

والآن أقف وقفة سريعة مع تعليقاتكم على تدشين المدونة،فى محاولة لاصلاح هذا الخلل الاجتماعى لدى ..

· عبدو بن خلدون

شرفت يا أخويا/صديقى المدونة وبرضه مصر على "ابن آدم" بس انا بقى مش هأكرر/ أردد نفس الرد اللى بعته لك على الموبايل/المحمول . وكل اللى هأقوله شرفت/آنست يا اخويا المدونة وها أنذا رضخت/ استسلمت لضغوطاتكم، وربنا يعديها على خير

· شاهنشى

ربنا يكرمك يا شاهنشى نورت المدونى، وربنا يصلح الحال وتكون المدونة عند حسن الظن، بس احب أشهد الناس عليك حد لما يحب يدلل حد يقول له "جعجوعى"!!! يا راجل دا حتى كتابتها كلها جعاجيع وشكلها يخض.

ربنا يحفظك يا شاهنشى ولسه هاجيب فى سيرتك بعد شوية تانى خليك معانا ما تقفلش الموضوع.

· شرقاوووو

ذلك الشاب الجميل شرقاووو واللى له معزة عندى وبيحسسنى ان انا ليا قيمة فى الحياة رغم كل اللى بيقللولى من قيمتى ويضطهدونى ويطلقوا عليا "جعجوعى" يبقى لشرقاووو دور مهم فى إعادة ملئى بالهواء عبر كلمات البكش التى ستخدمهامعى على شاكلة "أستاذى ومعلمى و.. و..." أنا طبعا بحكم انه رحم الله امرءا عرف قدر نفسه، فأنا أؤمن تماما بكل كلام شرقاووو .

ربنا يكرمك ياشرقاووو وجزاكم الله خيرا على تلكم الكلمات التى بالتأكيد أنا أقل منها بكثيييييييييييييييييييييييييييييييير

· إسلام

نورت المدونة يا أستاذنا الغالى وبعدين ماله اسم "ومضات" كله اشراقات ونبضات وفيوضات وبكرة المصرى اليوم تكتب عنه ملحق خاص ....
وبعدين انته هتبدى تمارس عليا أدوات السيطرة والوصاية!! لا إحنا لسه أمامنا أيام وشهور طويلة مع بعض إن شاء الله وخطوات الانقلاب سهلة ومعروفة للجميع ..
أكرمكم الله استاذ إسلام ونتمنى أن نسمع دوما لرأيكم ونقدكم

· محمد عبد العاطى

يااااااااااااااااه ربنا يكرمك على هذا الدعاء الجميل يا محمد
"ان شاء الله تكون ومضات يتحول لنور يسعي بين يديك ويملاء وجهك يوم القيامة"

ويارب يسمع منك ويرزقك مثلها ويجمعنا دوما على خير فى الدنيا والآخرة

شرفت يا محمد بس برضه اللى سبق سبق وكويس انك لسه بتتعامل مع الغلابة اللى زينا بعد ما جه اسمك فى تقرير العربية نت، وخاصة مع مصداقية التقرير العالية جدا

دمت بخير واشوفك دايما على خير يا محمد العزيز

· عبد الرحمن رشوان

الاسم الذى كنت أسمع عنه كثيرا مؤخرا وأسمع أيضا منه كثيرا عبر مدونته، أقدر لكم اخى الكريم جدا هذه الزيارة وأشكركم على كلماتكم وأتمنى أن أكون عند حسن ظنكم

ولكن للأسف الحلو ما يكملش فأعتقد أن كنت لتكون أحسن لو قطعت علاقاتك بشاهنشى، أنا مش قصدى أوقع بينكم ولا حاجة دى بس ومضة تنير الطريق
وترشد الحائر
فى ظلمة عتمة

سعدنا بتشريفكم ونتمنى أن نحاول الرقى لمستوى كتاباتكم وطرحكم فى مدونتكم وأن يقدر الله لنا لقاء قريبا

· عمرو طموح

احم احم انا بس حضرتك التعليق بتاعك كان أربع سطور السطرين الأولين مش فاهم منهم حاجة والاتنين التانيين احم احم مش عارف هما عايزين يقولوا ايه ، يا ابنى ارحمونا بقى من الكتابة السياسية اللى بتتعاطوها انت وصاحبك ابن خلدون .. رحمتك ياااارب

شرفت يا نجم نجوم الحيرة ودى نعمة من ربنا ان يجد مثلكم وقتا للتعليق على مدونة مثلى، وخاصة بعد أن سطع نجمكم وعلى امركم وذاع صيتكم فى الآونة الاخيرة عبر موضوع "نجوم لازم تتقرى" على يللا مش مهم.

شد حيلك يا بطل فى الامتحانات ولنا بعدها إن شاء الله لقاءات تنظيرية للصبح

· وائل

ربنا يكرمك يا وائل بجد شرفت ونورت ، وبتهيأ لى إن اللى كان أولى بهذه الكلمات هو أنت، فلك أيضا فلسفة خاصة ورؤية وخبرة تجعلنا نتوقع من مدونة تحمل اسم وائل الكثير والكثير، وأعتقد ان بعض أفراد الشلة التجارية العظيمة قد اخترقوا حصن المدونات ولعلنا نرى تدوينات وائل قريبا تلوح فى الافق.

ومن "جعجوعى" بتاعت شاهنشى ل "جعلونى" وائل يا قلبى لا تحزن، وليهم حق الاناس اللى لما اتعرف عليهم يعدوا يقولوا احمد ايه ..!!! جعيدى؟؟ جعجع ؟؟ جوعيلى ؟؟ وحسبنا الله ونعم الوكيل

سأسعد دوما بتوجيهاتك للمدونة وآراءك عليها يا واااااااااائل

· عثمان
ياااه دكتور عثمان وصل المدونة، ده شرف كبير جدا، ازيك يا دكتورنا والله واحشنا ونتمنى ان نشوفك دوما وانت على خير حال وباروق بال.

وبعدين الفطام بيقعد له أقل حاجة سنة وشوية وبعديها نشوف موضوع المخاواة ده

ربنا يرزقك الذرية الصاحلة يا دكتورنا ويبارك لك فيها

وطبعا مش محتاج أقول إنى تعلمت منك قبل كده وانا طالب موقف فى فنون الحوار مش هانساه، وأتمنى أن يظل عطاؤكم لنا أيضا فى موضوعات التدوين.

· بيحدف طوب

بصراحة يا اخى انا بقيت بألأ – يصيبنى القلق - أول ما أسمع كلمة طوب من بعد توابع موضوع "علموا أنفسكم التمرد والدهشة ورمى الأحجار" ولكن على أى حال نورتنا بالزيارة وكونك تفتكرنى على ضآلة قدرى وشخصى فده شيئ يشرفنى

· شذى مولتوف

جزاكم الله خيرا على تشريفكم وكلماتكم ونتمنى ان نكون عند حسن ظنكم

· عاشقة الرحمن

جزاكم الله خيرا على الزيارة وعلى كلماتكم التى بالتاكيد لسنا أهلا لها.

· أسماء العريان

جزاكم الله خيرا على تعليقكم ونسأل الله أن يستجيب لدعائكم وان يجرى الحق على ألسنتنا جميعا ويجعل ذلك فى ميزان حسناتنا جميعا، وفقكم الله فى الدراسة

وللاختين الكريميتين نتمنى ان تنجحا فى ادخال د.ابراهيم عالم التدوين فلديه ما يقوله ويضيفه، وبرغم انشغاله هذه الأيام وتمسك نواب النسا به تمسكا كبيرا حتى انهم يطلبونه للحضور فى غير أوقاته إلا انه بالتاكيد لديه الوقت للقيام بعملية التدوين.

· خطاب

اخى الكريم صاحب أجمل صورة رمزية لمدون –فى رأيى- تلك الصورة التى جذبتنى بشدة منذ اول مرة رأيتها، وصاحب مدونة هادفة رائعة بمعنى الكلمة، أشرف بزيارتك وأسعد بها ونسأل اللهلنا ولكم دوام التوفيق

· بن توفيق

مشكور يا أميرالاى على هذه الزيارة وتلك الكلمات، وبن توفيق حتى يعلم الجميع هو أيضا تبع حزب رفع المعنويات مع صديقه شرقاووو .

شكرا بن توفيق على هذه الكلمات وجزاكم الله خيرا واحبك الله الذى احببتنى فيه

· يللا مش مهم – ا. مجدى سعد

لو أردت أن أضع سيناريو ما كنت لاجد أفضل مما قدره الله لى ليكون تعليقك هو آخر تعليق فى الموضوع وبالتالى يكون ردى عليه هو أيضا آخر رد ليكون حقا مسك الختام.

أستاذى الكريم من كل قلبى أقول جزاكم الله خيرا عنى وعن ، ولن أتحدث عما تعلمته منكم سابقا فقد تعلمت الكثير، ولكنى فقط أقول للجميع أنه إن كان من فضل بعد الله عز وجل فى خروج هذه المدونة فهو بالتأكيد لأستاذ مجدى. وأتمنى أن يوفقنى الله لأن أقدم من خلالها شيئ يكون عند حسن ظن أستاذى ويكون خالصا لوجه الله تعالى وأن يتقبله منا.
أحبك الله الذى احببتنى فيه يا أستاذ مجدى ودوما من حسن إلى أحسن ومن كويس إلى أكوس -أكثر كواسة – ومن يللا مش مهم إلى مهم وأى مهم.

وفقك الله دوما لما فيه رضاه ونفع بكم وأفاد من خبرتكم وجهدكم وفكركم.

إلى هنا نكون قد وصلنا لنهاية هذا الواجب على تجاه زوار المدونة الكرام، وبقى ان أقدم كل الشكر والتحية لكل من بذل من وقته ولو لحظات أو سيبذل من وقته للاطلاع على المدونة حتى وان لم يشارك بتعليق، ويكفينى منكم بصدق اللحظات التى ستقضونها فى الاطلاع على محتوى المدونة إن رزقنى الله ما يستحق الاطلاع عليه ولا حاجة فى أن تضيعوا من وقتكم فى التعليقات إلا ان يكون نقدا أو اضافة أو رأيا.

ومعلش يا شاهنشى الموضوع طول أوى فاسمح لى أؤخر الموضوع اللى كنت بقول هاجيب سيرتك فيه للتدوينة القادمة. واحب أن اختم هذه التدوينة هذه الكلمة المقتبسة

ويللا مش مهم