1) اشكر اخي احمد علي تعريفي علي موضوع التاج و اين هو فانا بكل سراحة ما برحش مدونات اخري غير و مضات فالشكر الخالص لاحمد الجعلي .
2 ) اشكر الاستاذ احمد شاهين علي التاج و هذا الموضوع سوف يكون رد علي التاج .
3)اشكر كل من اقترح لي المواضيع التي اكتب فيها .
موضوعي هذه المرة هو الرد علي الاسئلة التي سألها الأستاذ احمد شاهين الذي صنع فيا الحماس للكتابة :-
عندك كام سنة؟؟
عندي ثالثة عشر .
مثلك الأعلى كقدوة نسائية ..بس تكون عايشة دلوقتي ولم تتوفى؟
بالنسبة للمثل فانا ارد و اقول انها امي و اما بالنسبة الي شخصية معروفة فانا لا اعرف أي واحدة مازالت حية و لكن كلهن ميتين مثل السيدة خديجة فانا احبها لانني عارفة قصتها كاملة في المدرسة .
أكتر فيلم بتحبيه ؟واكتر فيلم كرتون بتحبيه؟ واكتر فيلم بيعصبك ويخليكي مضايقة؟
بالنسبة للأفلام فانا أحب الأفلام الرعب مع أنني أخاف و لكن اكتر فيلم اعجبني في هذه الفترة هو " هاري بوتر " الي شد اهتمام كل الي في سني لان الفكرة جديدة و جزابة و هذه صورة للابطال الثلاثة :-
و الكرتون كل فيلم بيعجبني بذات افلام المغامرات و اكثرها " شركة المرعبين المحدودة "
و أكثر الأفلام تضايقني هو الذي لا يكون مترتب في احد الأيام شفت فيلم مقاطعة غير مرتبة او بمعني اصح غير منظم و اعلم ان فكرة الفلم كده ان يجيب الامام قبل الوراء و الوراء قبل الأمام و ده في الأفلام الأجنبية لصحا أنا أشاهد أفلام أجنبية أكثر من الكرتون اما الافلام المصرية فهيا اخر ما اتوقع مشاهدته فالاجنبي اكثر ابداع و تشويق اما الافلام العربية فهيا مليئة بالكسل و النوم ، فقط هذا الذي اقدر ان اقولة عن الافلام .
أكتر واحد بتحبيه وأكتر واحده؟ بعد الوالد والوالده؟
أما موضوع الحب فإننا جميعا إخوة و الإخوة يجب أن يكونوا محتحابون في الله . .
هل أحمد بيساعدك في كتابة تدويناتك ؟وهل المساعدة بتخليكي تشيلي بعض الفقرات منها؟ولا بيحجر على أفكارك؟
بسراحه احمد مبيأخرش أنا الي بتأخر
احمد بيساعدي في اختيار الأسلوب الأفضل و أيضا يصحح الأخطاء الايملائية التي أقع فيها ، وما بيحجرش علي أفكاري .
أكتر حاجه بتعجبك في شخصية الدكتور أحمد أخوكي ؟ واكتر حاجه بضايقك منه ؟؟
أكثر الأشياء الي تعجبني في احمد هو انه متفاهم ، و أكثر حاجة بضايقني هو انه غالبا غير موجود أو مشغول أو نائم و مافيش وقت أتكلم فيه معاه بخصوص المدونة .
أكتر حاجة بضايقك في الدنيا؟
هو تعامل الناس بالعنف و الكراهية و الحسد ، و أيضا منظر الناس المحتاجين و الفقراء .
أكتر حاجة بتسعدك في الدنيا؟
منظر الناس سعداء و تعاون الأسر في عمل الخير و تتطور البلاد العربية .
أكتر موقف حصلك وكل ما بتفتكريه بيضحكك؟واكتر موقف بيزعلك ؟
ما فتكرش اي موقف و لكن ذكريات مثلا افتكر لما كنت اعد وراء بابا و العب في شعره الذي هم في النص و أخليهم واقفين و أعطي المراية لبابا لكي يشاهد الذي فعلته بيه بضحك .
.jpg)
و لما افتكر الدجاجة الذي كانت لدينا في السطح و كانت للأسف ضعيفة و كانت عندما تأكل أو تشرب يضربها الدجاج فكنت أطعمها و اشربها و احملها و امشي في كل السطح و كأنني فسحتها بهذه الفسحة و لكن للأسف و بكل الأسف ماما ذبحتها وكل ما افتكر احزن أنا كثيرا احزن لان مافيش فرخه قابلتني بهذا اللطف .
نفسك في إيه دلوقتي؟
نفسي اعمل عمرة و ازور والدي هناك و أن اذهب بالمال الذي أنا بحوشه حتى أحس بالفرح و الاستمتاع .
نفسك تبقي ايه أما تكبري؟
1) مدرسة عربي مثل والدي.
2) صحفية .
3) واحدة من اكبر الإخوان المسلمين لكي أطالب بالحق و إتباع السنة و القران الكريم .
ليه مبنشفلكيش تعليقات في مدونات أخرى ؟
أنا مابفهمش حاجة في السياسة و أنا كنت فاكره أنكم تكتبوا في السياسة فقط و لكن لقيت غير ذلك و بإذن الله اكتب تعليقات باسمرار .
لو تحبي تبعتي تاج .. تبعتيه لمين؟
أبعته لأحمد الجعلي أخي .
ملحوظة :-
أنا دائما اخلي احمد يراجع علي الأخطاء أما هذه المرة فمينفعش و لهذا تقبلوا أخطائي الكثيرة .
13 التعليقات:
اختنا الكريمة الوردة الزرقاء .. جزاكم الله خير عبى الرد
جزااكم الله خيرا على الردود
واسأل الله لكما التوفيق
ماشاء الله اية الجمال ده
كنتى عسل قوى اما قلتى على الفرخة اللى كنت عيانة
ومفيش دجاجة قابلتنى بلطف
هههههههههههه
وبعدين مين قلك ان هارى بوتر جاذب اهتمام اللى فى سنك بس
احم
انا اعرف ناس فى سنى بيحبوا جدا روياته والافلام كمان
وبيقروا القصه ال600 صفحة فى يومين
انا كمان بحب شركة المرعبين الحدودة
وبموت فى افلام الرعب
ومتفقة معاكى تماما ان الافلام العربى مملة جدا والقصة وحشة والتمثيل اوحش
وان الافلام الاجنبى بتخلى الواحد يفكر
وموضوع ترتيب الاحداث دة سعات بيبقى مقصود اسمه الفلاش باك
يعنى يجيبولك اخر الاحداث والنتيجة بتاعتها ويرجعوا يحكوا الاحداث دى حصلت ازاى
اسفة للاطالة
ربنا يكرمك ويعزك ويرزقك بعمرة
وانا كمان
ويحققك كل امنياتك
ياريت تبقى تزورى مدونتى وتقوليلى رايك
بقى انت بتحبي هاري بوتر؟
اما اشوفك
بقولك يا زهرتي الرقيقه
فكري معايا ايه ممكن تكون الافكار السيئه اللي بيغرسها فينا هاري بوتر
مستنيه ردك
بصراحة أنا كمان كنت بحب الحيوانات اللي كنا بنربيها.. بس أنا بقى كنت بحب أرنب مش فرخة :)
أختي الصغيرة البريئة علياء
ربنا يكرمك و يعزك
إجباتك جميلة خالص و صادقة أوي
و ربنا يحقق لك أهدافك و أحلامك
و باقترح عليكي تكتبي عن نفسك أكتر
تكتبي إنتي و كل أصحابك نفسكم في إيه ؟؟
و شايفيننا إزاي ؟؟
و منتظرين مننا إيه ؟؟
اكتبي رسالة بتوجهيها لكل الناس
اكتبي رسالة لأحمد
رسالة للمدرسين
رسالة للعلماء
رسالة للفاسدين
كلمي العالم و اكتبي له رسالة
و لما أفكر في حاجة تانية هاقول لك برضه
جزاك الله خيراً
السلام عليكم ورحمة الله وبركاته
ودون الدخول في تفاصيل كثيرة
انا ممكن استني ايه يعني 13 سنه
ما الواحد بيستني كتير
صراحة انا ازداد اعجابي كثيرا بوالدك ووالد احمد
هذا الوالد الذي انجب تلك الذرية المباركة
بارك الله فيك ايتها الوردة وباراك في اخيك
وفي انتظار الرد
الله الله
بقى كده اتطورتى وبقيتى بتحطى مواضيع بدون علمى ولا مراجعتى!! امممم ماشى يا ست علياء
مبروك عليكى اول تاج من الباشمهندز شاهنشى
وياريت المرة الجاية ما تنسيش تحطى عنوان للموضوع (:
وبعدين الفرخة دى هيا اللى كانت بتقعد معانا على الغدا تاكل معانا؟؟ ولا واحدة تانية ؟؟
انا اسفة جدا علي التاخير عليكم
الاستاذ احمد شاهين ده واجب فقط عليا
اما (مشروع بطل ) فاشكرك علي زيارتك في المدونة
الاستاذة شذي فانا سعيدة جدا بالتعرف عليك و انا لما قرات تعليقق قلبي سقت من مكانة لما قرات مين قالك ان هارى بوتر جاذب اهتمام اللى فى سنك و انا سعيدة لانك بتحبيشركة المرعبين الحدودة و سعيدة لاتفاقق معي في الافلام العربية والتعليق مش طويل و لا حاجة ده علي قلبي ذي الفل ان شاء الله عنروح العمرة سويا و ما شاء الله المدونة جميلة جدا و هبقي اكتب تعليقات ان يشاء الله
الاستاذة بنت من الاخوان انا اقول ان هاري بوتر بيغرس فيناان السحر له اهمية و لكني اعرف ان هذا ليس حقيقي
و الاستاذ شهاب الازهر انا برده بحب الارانب بس مش اد الفراخ
و الاستاذ دركول ان شاء الله هاكتب علي نفسي في الايام القادمة و انا مستية اقترحاتك
و الاستاذ فهد و عليكم السلام ورحمت الله و بركاته الله يباركلك في الكلام الجميل ده
و احمد اخي بدون الاستاذ
الله يباركلك و بعدين الفرخة دي مش التانية الي انت بتقول عنها و الي بتقول عليها لسه عايشة
ما شاء الله ... ازيكى يا علياء . .. السعودية منتظراكى يالا عشان تروحى تعملى عمرة
ربنا يكرمك يارب ويزيدك ويباركلك وتبقى واحدة من الاخوان الكبار ..
متابع خطواتك من فترة وأتمنى لك المزيد من التقدم
ما شاء الله يا بنتي
أنا مش عارفه جبت مدونتك منين .. أكيد من سلسلة المدونات اللى بدخلها :)
بس جميل إني أشوف مدونة زي مدونتك :)
ربنا يعزك يا وردة
وأنا كمان نفسي أروح العمرة .. ربنا يكتبهالنا
وأنا كمان مليش في السياسة ^_^
Thank you, that was just an awesome post!!!